Призываемъ тя Владыко, Боже Вседержителю, вышній, неискусимый, мирный Царю! Призываемъ Тя, сотворшаго небо и землю, отъ Тебе бо произыде алфа и омега, — сій есть начатокъ и конецъ, предавый человѣкомъ 106 въ послушаніе четвероножныя и безсловесныя животныя. Ты бо покорилъ еси, Господи, простри руку твою крѣпкую и мышцу твою высокую и святую, и просвѣщеніемъ твоимъ святымъ посѣти созданіе твое сіе, и исполни ему ангела мирна, ангела державна, души и тѣла хранителя, яко да запретитъ и отженетъ отъ него всякаго лукаваго и нечистаго демона. Ты бо еси единъ Господь высокій, Вседержитель благословенный въ вѣки вѣковъ. Аминь. Заклинаю тя Духомъ, вдохнувшимъ человѣкомъ животъ вѣчный, егоже имя страшно и усты человѣческими неизглаголанно! Заклинаю тя грядущимъ огнемъ и жупеломъ, и пескомъ, и трубою; ему же явшуся, солнце побѣжитъ на западъ и звѣзды спадутъ на землю, и восплачутся вся племена и людіе! Заклинаю тя сшедшимъ въ дольняя страны и земли и расторгшимъ твердыя вереи, и разрушившимъ болѣзни смертныя, и благовѣстившимъ патріархомъ изъ мертвыхъ воскресеніе! Заклинаю тя ходившимъ по морю и укротившимъ волны его! Заклинаю тя повелѣвающимъ морю здати вся въ немъ истопившіяся и земли въ ней лежащихъ мертвыхъ преставити живыхъ на судъ Богу! Заклинаю тя повелѣвшимъ морю не преступати предѣла своего, дондеже пріидетъ Господь судити міру! Заклинаю тя сошедшимъ на Синайскую гору и глаголавшимъ съ Моисеемъ и Арономъ, и явившимся имъ въ пламени огненномъ и въ столпѣ облачномъ! Заклинаю тя изведшимъ люди своя отъ земли Египетскія и давшимъ имъ изъ камени сладкую воду пити, и претворившимъ воду въ кровь. Заклинаю тя казнившимъ Египта Моисеемъ десятію язвъ! Заклинаю тя поразившимъ первенца Египетскаго! Заклинаю тя попалившимъ Содома и Гоморру, и пять градовъ иныхъ одожденіемъ съ небеси огненнаго града! Заклинаю тя сѣдящимъ на престолѣ славы, предъ нимже огнь течетъ и емуже предстоятъ тьмами темъ ангелъ и тысящами тысяща архангелъ и серафимъ, вопіющихъ: „святъ, святъ, святъ, Господь Саваофъ, исполнь небо и земля славы твоея: Благословенъ еси во вѣки. Аминь!“ И ты, душе лукавый, аще и не хотя, воздаждь славу имени святому его, идѣже аще сѣдиши въ удеси тѣла созданія сего, или въ главѣ, или въ тѣлеси, или въ крови, или въ очи, или въ сетехъ, или въ языцѣ, или въ выи, или въ плещу, или между плещами, или въ мышцахъ, или въ персяхъ, или въ души, 107 или въ сердцы, или въ селезнѣ, или въ плющахъ, или въ чревѣ, или подъ чревомъ, или въ точилѣхъ, или въ естественныхъ предѣлахъ, или въ крѣпости, или въ жилахъ, или въ костѣхъ, или въ лыстѣхъ, или въ голенѣхъ, или въ ногу, или въ жилицахъ, или въ кровицахъ, или въ костѣхъ, или въ мозгу, или въ крови, или въ властѣхъ, или въ нохтѣхъ, или во всемъ тѣлеси — отлучися, отстранися и изыди, душе лукавый, и даждь славу Господеви, яко Господь сильный надъ всѣми есть; ибо клястеся, идѣже аще кто призоветъ имя Господне, еще исчезнути вамъ. Заклинаю тя именемъ Господа, Іисуса Христа, распеншагося при Понтійстемъ Пилатѣ! Заклинаю тя рекшимъ: „небо мнѣ престолъ есть, земля же подножіе ногама моима!“ Заклинаю тя архангелами его Михаиломъ и Гавріиломъ, Уріиломъ и Рафаиломъ! Заклинаю тя великимъ именемъ сына Божія отлучитися отъ созданія сего и виже съ нимъ ясти, ниже съ нимъ сложну быти съ нимъ, подати славу имени святому его! Заклинаю тя всеобразне на злострѣтеніе и нападеніе дневное и полуденное, и полунощное, идѣже аще еси, отлучися отъ созданія сего и не изведи душу, не разсыпли, ниже разруши тѣло его, но остави его чиста и жива на службу Богу! Заклинаю тя грядущимъ утверди престолъ между небомъ и землею и судити всему роду человѣческому, праведнымъ же и грѣшнымъ! Ты убо, душе нечистый, убойся имени святаго его и отъиди отъ созданія сего, убойся огня неугасимаго, ровва огненнаго, всепоядающаго; убойся и уготованнаго огня и жупела и приклони губителей; убойся явльшагося Моисееви и Ааронови на горѣ Синайстей; убойся явльшагося Іоанну на рѣцѣ Іорданстей, егоже видѣвше, рѣка убояся, и уступи, и возвратися вспять. И ты, душе лукавый, убойся, отступи, отстранися отъ созданія сего. Заклинаю тя одѣющимся свѣтомъ, яко ризою, единѣмъ, имѣющимъ безсмертіе. Тому подобаетъ всякая слава, честь и поклоненіе Отцу и Сыну, и Святому Духу нынѣ и присно, и во вѣки вѣковъ. Аминь.
Заклинаю тя, гордыни и всякой злобы, лукавства же и отступства изорѣтателю и начальниче, діаволе, превеликимъ, предивнымъ, страшнымъ именемъ единаго, въ Троицѣ славимаго и поклоняемаго Отца и Сына, и 108 Святаго Духа, небо и землю и вся, яже на нихъ, видимая и невидимая, и тебе, добра и свята, отъ небытія сотворшаго и извергшагося тя и всѣхъ споспѣшниковъ твоихъ злобъ, нечистыхъ духовъ, съ небесъ, узами мрака связавши ихъ. Убойся сего, осужденниче, и скоро изыди отъ созданія сего! Заклинаю тя, вселукавый враже человѣческаго рода, древнимъ зміемъ, превеликимъ и страшнымъ именемъ Господа нашего, Іисуса Христа, ему же всяко колѣно небесныхъ и земныхъ, и преисподнихъ съ трепетомъ покланяется. Убойся, проклятый низверженниче, изыди, устранися, отъиди отъ созданія сего! Заклинаю тя и запрещаю ти спасительнымъ воплощеніемъ Господа нашего, Іисуса Христа, и преславнымъ его отъ приснодѣвы Маріи рождествомъ, имже ключи дѣвы невредимы, цѣлы сохрани. Убойся сего, истины сопротивниче, отъ созданія сего! Заклинаю тебе, всѣхъ злыхъ искусителю, плотію осмодневною обрѣзавшимся Господемъ и четыредесятимъ днемъ съ двою матерію во Іерусалимѣ приведеннымъ, и на обьятіяхъ праведнаго Симеона возлегшимъ, и дванадесятолѣтняго возрастомъ сый возшедшимъ во Іерусалимъ, и посредѣ учителей сшедшимъ и разумомъ своимъ Божественнымъ и отвѣты предивными всѣхъ послущихъ удививый. Убойся сего, отступниче мерзкій, скоро изыди. Заклинаю тя, скверный демоне, Господемъ, во Іорданѣ плотію крестившимся, и Духомъ Святымъ, во образѣ голубиномъ сошедшимъ нань и гласомъ Отчимъ съ небесе бывшимъ: „Ты еси сынъ мой возлюбленный, въ Тебѣ благоволихъ!“ Убойся сего, безстудный лестче, и отъиди, и ктому не возвратися! Заклинаю тя, погибельный душе, четыредесять дней и четыредесять нощей постившимся и твое искушеніе, діаволе, побѣдившимъ; рекъ: „не искусиши Господа Бога твоего!“ Убойся сего, всякія лжи отче, и абіе отъ созданіи сего устранися! Заклинаю тя, діаволе, Богомъ воплощеннымъ, на земли явившимся и съ человѣки пожившимъ, неизщетнаго благодѣянія сотворшимъ и путь спасенія мірови показавшимъ, и повелѣнія спасительныя давшимъ, и бѣсы словомъ прогнавшимъ, и различные недуги исцѣлившимъ. Се, убойся сего, адскій вселукавый смотче, вострепещи, устранися! Заклинаю тебе, адскій, всепагубный льве, прокаженныя очистившимъ, слѣпыя прозрѣти, нѣмыя глаголати, глухія слышати, хромыя ходити, разслабленныя возстати сотворшимъ и мертвыя воскресившимъ. Убойся сего, исконный человѣкоубійца, діаволе, и скоро съ трепетомъ бѣжи! 109 Заклинаю тя, прегордый лукавства рачителю, смиреніе намъ показавшимъ въ низложеніе твоея высокія гордыни умовеніемъ ногъ святымъ своимъ апостоломъ. Убойся сего, гордынею вознесыйся и до ада низверженіемъ смиривыйся, и абіе изыди и бѣжи! Заклинаю тя, всякаго сороства и немилости исполненный мучителю, на тайной своей вечери преестественно существо хлѣба въ тѣло свое пречистое и существо вина въ кровь свою пречистую претворившимъ и вѣрнымъ своимъ въ снѣдь и питіе въ оставленіе4) грѣховъ подавшимъ и сіе творити въ свое воспоминаніе повелѣвшимъ. Убойся Того, всѣхъ ересей изобрѣтателю и нечестія всякаго кореню, діаволе, к ничтоже умедли, но абіе изыди, устранися! Заклинаю тя, всѣхъ грѣховъ и погибели источниче, безкровною, страшною, животворящею жертвою тѣла и крове Господа нашего Іисуса Христа, еюже вѣрніи спасаются, ты же и погибельная твой сила испражняется. Убойся сего, непокаятельная злоба, мерзкій нечистый душе, и бѣжи отъ созданія сего! Заклинаю тя, зависти глубина преестественная, въ вертоградѣ молитвою Господнею и каплями крове, яко потъ отъ пречистаго тѣла его на землю капнувшими. Убойся сихъ, доброненавистниче и погибели сыне, и скоро изыди! Заклинаю тя, прелести всякія источниче, изволившимъ связанъ, біенъ и веденъ къ Аннѣ и Каіафѣ, заушенъ же и оплеванъ, и люто мучимъ въ нощь быти, и Пилату представшимъ, и отъ него много истязаннымъ мучимый, и у столпа нагопривязаннымъ, и битымъ, и въ хламиду на руганіе облеченнымъ, вѣнцемъ терновымъ обложеннымъ, тростію по главѣ біеннымъ, отъ Ирода укореннымъ и поруганнымъ, и на смерть отъ Пилата осужденнымъ. Убойся сего, древняя злоба, всякія муки достойный, и его лютыхъ болѣзней, и страшныхъ, вамъ же спасенныхъ мукъ, имиже твою немощную силу сокруши, и съ трепетомъ въ бѣгство претворися! Заклинаю тя, съ небесе спадшаго, Деннице, на смерть ведомымъ Господемъ и крестъ свой понесшимъ, и многая уничиженія, и раны тогда отъ вѣрующихъ его спасенія нашего погибели же тогда отъ вѣрующихъ его ради претерпѣвшихъ! Заклинаю тя, безстудный оболгатель и клеветниче, наго на крестѣ посредѣ двою разбойнику пригвожденнымъ, оцтомъ и желчію напоеннымъ и лютыми и неизглаголанными болѣзнми Его, яже лютыми на крестѣ нашего ради спасенія, осужденія же твоего, діаволе, претерпѣ; и святыми Его пречистыя крове нещадными изліяніи. Убойся сихъ, Божій враже и лжи, и лукавства источниче, ужаснися и абіе изыди! 110 Заклинаю тя, безстудный оболгателю и клеветниче, седмію словесъ Господнихъ на крестѣ на спасеніе наше, на твою вѣчную погибель изреченными, и животворною его смертію, еюже мы ожихомъ, ты же умерщвленъ еси. Убойся сего, всякія благости вѣчно осужденниче, возстени и скоро исчезни отъ созданія сего! Заклинаю тя, всякія правды противниче, Тѣмъ, егоже солнце на крестѣ висяща, видѣвши, померче и земля вострепета, и завѣса церковная раздрася, и его же силою каменіе распадошася и гробы отверзошася, и тѣлеса усопшихъ святыхъ восташа и, по воскресеніи Его, внидоша во святый градъ, Іерусалимъ, и явишася многимъ. Убойся сего, суровый мучителю и лукавства бездно, и скоро изыди, устранися отъ созданія сего. Заклинаю тя, развратниче вселукавый, прободеніемъ пречистаго ребра Господня, изъ негоже истече кровь и вода въ наше спасеніе и обновленіе, въ твое же конечное сотреніе и силы твоея сокрушеніе. Убойся силы сего огня вѣчнаго вещество и скоро устранися! Заклинаю тя, безчинія всякаго и раздорства изобрѣтателю, Боготѣлеснымъ Господа нашего, Іисуса Христа, погребеніемъ и всесильнымъ Его во адъ съ душею и Божествомъ сошествіемъ, иже тамо силою своею Божественною тебе, во злобѣ сильнаго злоначальника, связа и силы твоя, твоея злобы, изпраздни, и души праведныхъ, тамо связанныхъ плѣни, и съ Собою, яко силенъ въ крѣпости, возведе. Убойся сего, вѣчнаго Божія гнѣва наслѣдниче, и скоро отъ созданія сего отъиди! Заклинаю тя, крамольниче навѣтливый, смертію смерть поправшимъ и твою мучительскую державу разрушившимъ, преславно же изъ мертвыхъ силою своего Божества самовластно воскресшимъ, Господемъ нашимъ, Іисусъ Христомъ. Убойся крѣпкаго побѣдоносца, Божій сопротивниче и погибельный сосуде, и стрепетно вскочи, устранися! Заклинаю тя, клятвы осужденія наслѣдниче, по воскресеніи своемъ апостоломъ своимъ преславно плотію явившимся и миръ свой тѣмъ, и власть свою на прогнаніе тебе давшимъ, и съ ними рыбы печеной и отъ пчелъ сотъ ядшимъ, и Ѳому прикосновеніемъ своихъ ребръ пречистыхъ, ручныхъ же и ножныхъ язвъ увѣрившимъ и четыредесять дней на земли пребывшимъ. Убойся сего, вѣчныя муки повинниче, скоро изыди и далече отскочи отъ созданія сего! Заклинаю тя, мерзкій и всякія нечистоты исполненный душе, плотію вознесшимся на небеса Господемъ нашимъ Іисусъ Христомъ, со славою одесную отца сѣдящимъ и, скончавшимся днемъ Пятьдесятницы, по своему неложному обѣщанію Духа Святаго, отъ Отца исходящаго, на своя апостолы 111 во огненныхъ языцѣхъ ниспославшимъ, и тѣмъ благоразуміемъ тѣмъ же весь міръ просвѣтившимъ, и отъ идолослуженія къ себѣ обратившимъ, тебе же и твою лесть испразднившимъ. Убойся, всякой злобы неистощимая пучино, вострепещи, убойся, отбѣжи! Заклинаю тя, напрасный, свирѣпый и напущенный душе, паки со славою многою на облацѣхъ грядущимъ судити живыхъ и мертвыхъ великимъ Богомъ и Спасителемъ нашимъ, Іисусъ Христомъ, тебе же и всю споспѣшную, злобную силу вѣчному огню въ нескончаемую муку предати хотящимъ. Убойся сего, духъ хищный, звѣрю, огня же геенскаго и муки вѣчныя виновниче! Изыди, что медлиши? небесныя брани побѣжденный начальниче! Отступи, Божій отступниче! Устранися, Богомъ побѣжденный хульниче! Бѣжи, Христомъ испражненный и попранный, враждоначальниче! Богъ, сильный въ крѣпости и крѣпкій въ силѣ, страшный въ бранѣхъ и дивный въ чудесѣхъ, — Той тебѣ, милости недостойному, всякія неправды исполненному и свѣтоносія лишенному прелестнику, крѣпко и грозно мною, рабомъ своимъ (имя рекъ) повелѣваетъ отъити отъ созданія сего въ пустая и безводная мѣста, идѣже ниже человѣкъ, ниже звѣрь обитаетъ, и ктому во вѣки не возвратитися къ нему, яко сила и держава, царство, слава Христа Бога нашего съ безначальнымъ его Отцемъ и пресвятымъ, и благимъ, и животворящимъ его Духомъ нынѣ и присно, и во вѣки вѣковъ. Аминь.